Header Ads


బాలీవుడ్ బాద్‌షా త‌న‌యుడు ఆర్య‌న్ ఖాన్‌కు స్పెష‌ల్ కోర్టు షాక్ ఇచ్చింది. 14 రోజుల పాటు రిమాండ్‌లో ఉంచిన త‌ర్వాత ఆర్య‌న్‌కు బెయిల్ వ‌స్తుంద‌ని అంద‌రూ భావించారు. అయితే కోర్టు షాక్ ఇచ్చింది. ఆర్య‌న్ స‌హా అరెస్ట్ అయిన ఎనిమిది మందికి బెయిల్ ఇవ్వ‌లేదు. దీంతో బాలీవుడ్ వ‌ర్గాలు దిగ్బ్రాంతికి లోన‌య్యాయి. దీంతో షారూక్ ఖాన్ త‌ర‌పు లాయర్స్ ముంబై హైకోర్ట్‌కు వెళ్లారు. అయితే కోర్టు మంగ‌ళ‌వారం కేసుని ప‌రిశీలిస్తామ‌ని చెప్పింది. అయితే ఇక్క‌డ మ‌రో ట్విస్ట్ అంద‌రికీ షాక్ ఇచ్చింది. ఆర్య‌న్ స‌హా ఏడుగురు నిందితుల‌కు అక్టోబ‌ర్ 30 వ‌ర‌కు రిమాండ్‌ను పొడిగిస్తున్న‌ట్లు కోర్టు తెలియ‌జేసింది. ఈ వారంలో బెయిలు రాక‌పోతే, కోర్టుల‌కు సెల‌వులు వ‌స్తాయి. దీంతో ఆర్య‌న్ న‌వంబ‌ర్ 14 వ‌ర‌కు రిమాండ్లోనే ఉండాల్సి వ‌స్తుంది.

మ‌రోవైపు ఆర్య‌న్‌ఖాన్‌ను షారూక్ ముంబైలోని ఆర్థ‌ర్ రోడ్‌ జైలుకు వెళ్లి ప్ర‌త్యేకంగా క‌లిశారు. అక్క‌డ ఆర్య‌న్‌తో 18 నిమిషాలు మాట్లాడారు. ఆర్య‌న్ ప‌రిస్థితిపై షారూక్‌, గౌరీ ఎమోష‌న‌ల్ అయ్యారు. జైలుకు వెళ్లిన షారూక్‌, ఆర్య‌న్‌ను భోజ‌నం తింటున్నావా? అని అడిగారు. ఇక్క‌డ భోజనం బాగోలేద‌ని ఆర్య‌న్ చెప్పాడు. దాంతో షారూక్ ఇంటి వ‌ద్ద నుంచి ప్ర‌త్యేకంగా ఆర్య‌న్‌కు భోజనం పంప‌వ‌చ్చా? అని అక్క‌డి అధికారుల‌ను షారూక్ అడ‌గ్గా, అందుకు కోర్టు అనుమ‌తి తీసుకోవాల్సి ఉంటుంద‌ని వారు తెలిపారు. కుమారుడితో షారూక్ మాట్లాడి వెళ్లిన త‌ర్వాత ఆయ‌న ఇంటిపై ఎన్‌సీబీ అధికారులు రైడ్ చేశారు.

అస‌లు ఆర్య‌న్‌ఖాన్‌కు బెయిల్ ఎందుకు రాలేద‌నే దానిపై స్పెష‌ల్ కోర్టు కొన్ని విషయాల‌ను తెలియ‌జేసింది. కొన్ని అంశాల‌ను కోర్టు ప‌రిగ‌ణ‌న‌లోకి తీసుకుని ఆర్య‌న్‌కు బెయిల్‌ను నిరాక‌రించిన‌ట్లు కోర్టు తెలిపింది. ఆర్య‌న్ ఖాన్‌కు ఇంట‌ర్నేష‌న‌ల్ డ్ర‌గ్ డీల‌ర్స్‌తో సంబంధాలున్నాయ‌ని, ఈ కేసులో వారిని ప‌ట్టుకోవ‌డానికి నార్కోటిక్ అధికారులు ప్ర‌య‌త్నిస్తున్నార‌ని కోర్టు తెలిపింది. ఇప్ప‌టి వ‌ర‌కు త‌న‌కు సంబంధాలున్న డ్ర‌గ్ డీల‌ర్స్ గురించి ఆర్య‌న్ నోరు విప్ప‌డం లేద‌ని, వారి గురించి మ‌రొక‌రికి తెలియ‌ద‌ని, ఆర్య‌న్‌కు బెయిల్ ఇస్తే సాక్ష్యాల‌ను తారుమారు చేసే ప్ర‌మాదం ఉంద‌ని స‌మాచారం. నిషేధిత డ్ర‌గ్స్ యాక్టివిటీస్‌తో ఆర్య‌న్‌కు స‌బంధాలున్నాయని, అర్య‌న్ స‌హా కేసులో అరెస్ట్ అయిన వ్య‌క్తులంద‌రూ త‌మ స‌ప్ల‌య‌ర్స్ గురించి ఎవ‌రూ చెప్ప‌డం లేద‌ని కోర్టు తెలిపింది. వ్య‌క్తుల వ‌ద్ద డ్ర‌గ్స్ లేక‌పోయినా, ప్ర‌దేశంలో దొరికిన డ్ర‌గ్స్‌కు అక్క‌డున్న వార‌రే బాధ్య‌త వ‌హించాల‌ని, అంత‌ర్జాతీయ డ్ర‌గ్స్ మాఫియాతో ఆర్య‌న్ వాట్స‌ప్ చాటింగ్ చేసిన‌ట్లు ఆధారాలున్నాయ‌ని కోర్టు తెలిపింది.




Source link

No comments